اعتبر نائب رئيس الرابطة التونسية للدفاع عن حقوق الانسان المحامي بسام الطريفي اليوم الاثنين 12 أكتوبر 2020، خلال حضوره في برنامج 90 دقيقة على إي أف أم، أن صورة رفع العشرة دنانير في وجه الأمنيين خلال إحدى الوقفات الاحتجاجية أمام البرلمان تنديدا بمشروع قانون حماية الأمنيين، رمزية ومعبرة.

وقال الطريفي، :" هي صورة معبرة معناها إنسان محتج يعبر على رايو ولقا هاته الوسيلة باش يعبر على رايو كانت صورة رمزية، معناها مانش باش نجيو اليوم في 2020 ننكروا اللي فما استشراء للفساد والرشوة في كل القطاعات معناها هذا حاجة الناس الكل تعرفها والناس الكل تقاوم فيها وحكومات وسياسيين، والناس الكل في برامجها الانتخابية قالت باش نقاومو الفساد والرشوة وليس هناك رقي للدول وتقدم إلا بمقاومة الفساد والرشوة،، حتى حد ما ينجم ينكر إنو فما فساد وفما رشوة في القطاع الأمني، فالسيد هاذايا اختار أنو يعبر على ظاهرة من الظواهر اللي تستشري في المجتمع وفي القطاع برفع ورقة نقدية من فئة الـ10 دنانير، ودارت الصورة هاذيا وكانت معبرة...".