وأكد التبيني، أنه تعرض اليوم إلى الشتم من قبل النائب عن ائتلاف الكرامة محمد العفاس في مأوى سيارات البرلمان، قائلا :"تجي كرهبة فيها سي سيف الدين مخلوف زميلنا وفيها سي محمد العفاس ومعاهم مرا وزوز رجال أخرين، أقسم بالله العظيم هبط سي محمد العفاس سمعني ما نكره، ولو ما عملتش عقلي معنتها باش نوصلو للعنف المتبادل، سيد رئيس الجلسة أنتم كبرلمان اليوم رانا ماعادش مرتاحين، الكلام اللي قلناه البارح وأنو باش نعودوا ندخلوا بالخوذات يظهرلي هاذاكا اللي باش يصير، راهو باش نوصلو كل واحد يجيب مجموعتو راهو حتى واحد ما ينجم يسكت، كل واحد عندو عرشو عندو ناسو، ماشين رانا للحرب الأهلية، راهو مش معقول أنو موقف ناخذوه في الجلسة العامة نصبحو نصوتوا، وراهو إذا فما شكون ماشي في بالو اللي رانا نخافوا راهو ما خفناش في وقت يلزمنا نهبطو روسنا، وراهو اللي رباته الصيودة وعاشر الذيوبة ما يخافش من القرودة، الانسان اللي تربى راجل وبوه مناضل راهو ما ينجمش يخاف علاش لو كنت ظالم مستحيل أني نعاود وراهو مش تكلمت ندافع على روحي، ندافع على المجلس وعاللي ممكن باش يصير فيه غدوة وأطالب المجلس أنو يتحمل مسؤوليتو، أي عنف باش يصير عليا تتحمل مسؤوليتو كتلة ائتلاف الكرامة اللي اليوم تستعمل في العنف ضد الجميع".
Address: Immeuble Louati 4e étage Lot 6.5.9
Les Jardins du Lac - Tunis - Tunisie
Tél: +216 70 016 020
E-Mail: contact@ifm.tn