كشف كاتب عام الجامعة التونسية للتعليم الثانوي لسعد اليعقوبي اليوم الاثنين 5 أكتوبر 2020، أن سبب وصفه لقرار تعليق الدروس لمدة 15 يوما بسوسة بالأعرج.
وقال البعقوبي، :" لأنو ما فماش قرارات أخرى ساندة لهذا القرار، اليوم في سوسة نسبة الإصابة تفوق 300 إصابة على كل 100 ألف ساكن، العلم آش يقول العالم الكل كيفاش يتصرف يعمل غلق كامل وشامل، حجر صحي شامل لمدة زمنية لا تقل عن 15 يوم، وبهذا فقط يمكن السيطرة على الوباء، ميسالش نسكروا المدارس ونعملو الحجر الصحي الشامل وبعد 15 يوم نلقاو الوباء تراجع وحدة الوباء تراجعت، هذا انجموا نقبلوه ونكونوا داعمين ليه، أما أنو نسكروا المدارس وتبقى سوسة مفتوحة الدخول والخروج لسوسة مفتوح الشوارع بكلها مفتوحة المحلات الكلها مفتوحة المصانع الكلها مفتوحة، النقل الكل يخدم، شنوة اللي صار، صار إنو عشرات الآلاف من أبناءنا تم نقلهم من المؤسسات التربوية إلى الشارع، ثم أنو هالـ15 يوم هاذوما فما ضمانة أكيدة... توة الأولياء يخدموا حالة الوعي والتعاطي مع الوباء نعرفوها في بلادنا علاش باش ما نقفزوش على الواقع...".

وتابع ضيف برنامج 90 دقيقة:" يعني لا يمكن أن نعول فقط على حالة الوعي، الحجر الصحي يجب أن يكون مرفق بإجراءات قانونية لأنو الله غالب لاحظنا في الحجر الصحي السابق أنو التجاوزات كبيرة، ناس تطبق الحجر الصحي وتلتزم بيه وفما ناس الله غالب يلزم قوة القانون باش تنجم الناس الكلها تلتزم بيه، فأعتقد أن الحديث على إلاق المدارس دون إجراءات هذا إجراء أعرج هاكا علاش قلنا إجراء أعرج ما قلناش إجراء غالط، لأنو إجراء كان يفترض أنو يكون معاه إجراءات أخرى، سوسة تحتاج إلى الحجر الصحي الشامل".