علقت آمال الحاج علي كرونيكوز برنامج في 90 دقيقة على إي أف اليوم الخميس 26 ماي 2022، ضاحكة على تصريح أمين عام التيار الديمقراطي غازي الشواشي المتعلق بنهاية مرحلة قيس سعيد ودعوة اتحاد الشغل للانخراط في البحث عن بديل، وضرورة حماية المكتسبات كحرية التعبير. 

وقالت الحاج علي:" نضحك خاطر اللي كانوا قبل شادين الحكم دقدقوا البلاد بعدم كفاءتهم، بولاءاتهم، عاملين نادي مع بعضهم تقضيلي ونقضيلك وسميلي ونسميلك ومصلحة الشعب وتونس ماشية للوراء، وهوما لاهين يتعاركو ويخدموا في مصالحهم... حرية التعبير اللي يحكي عليها هو وهو محامي كان جاو في المستوى راهم سنولنا قانون في وسط مجلس النواب بش يحمي الوطنيين من جحافل الناشطين في الفايسبوك اللي عنفوا المرأة وشوهوا كل واحد ضد مسار النهضة وأذنابها اللي كانوا يحكموا في البلاد، واللي ماشراتوش النهضة بالابتزاز المعنوي شراتو بالفلوس، سامحني توة بالنسبة ليا الناس اللي داخلة توة في مسار لا لا انت شوف محتوى الدستور، أنا وحدة مالناس بش نشوف محتوى الدستور نستنا في 30 جوان يهبط نص الدستور إذا كان يعبر على طموحاتنا كتوانسة في التقدم وفي دولة محترمة تحمينا الناس الكل مرحبا إذا الدستور هذا ما يعبرش على طموحاتنا وقتها أنا نقول لا للاستفتاء"...