كشف عبد الرزاق الخلولي رئيس المكتب السياسي لحراك 25 جويلية اليوم الثلاثاء 14 مارس 2023، خلال حضوره في برنامج في 90 دقيقة على إي أف أم، تفاصيل ما أسماه بمخطط قاده رجل أعمال بهدف شراء عدد كبير من أعضاء البرلمان بالمال بغاية تعديل الدستور وعزل رئيس الجمهورية.

وقال الخلولي:" وقائع الحادثة هاذي عندها على الأقل شهرين لتالي، في إطار الميركاتو أنو فما رجال أعمال خرجت المال على أساس وأنو النية متاعها كانت تتجه أنها تشري نواب وتعمل كتلة كبيرة وعن طريق هالكتلة هاذي الكبيرة، تهدف لتعديل الدستور ويتم فيه على أساس مساءلة رئيس الجمهورية، ومجلس النواب يقوم بأخذ قرار بعزل رئيس الجمهورية.. أحنا عنا نواب وأنا كمحامي فما اللي اتصل بيا وجابلي ما يثبت أنو الاتصالات هاذيا وقعت معاهم، والكلهم بلغوا النيابة العمومية اللي تكفلت بالموضوع هذا في إطار شكايات تقدمتلهم وطبعا في إطار البحث والتقصي، اتضح أن الناس هاذوما ينشطوا ضمن الشبكة اللي تشدت في إطار ملف التآمر على أمن الدولة الداخلي والخارجي، وطبعا عرفنا من هو وراء هذا المخطط وهذا التآمر وهو من بين الموقوفين توة في هذا التآمر وهو رجل أعمال... هو في إطار المخطط متاع الإطاحة برئيس الجمهورية، والانقلاب على النظام والإطاحة حتى بمسار 25 جويلية كانت عندهم عديد الخطط والمؤامرات ومن ضمنها الخطة هاذي"...