أكد معز الدبابي الأمين العام المساعد للأمانة العامة لقوات الأمن الداخلي اليوم الجمعة 6 ماي 2022، خلال حضوره في برنامج في 90 دقيقة على إي أف أم، أن لجان التحقيق التي تكونت سابقا للبحث في أسباب الحرائق التي شهدتها بعض الغابات والجبال التونسية، كانت مرتبطة بالمنظومة السياسية الحاكمة.

وقال الدبابي:" في الفترة هاذيكا كان الغاية من حرقان الجبولات هي وجود منفذ لخلايا إرهابية متمركزة في الجبال، اللي صار كان فيه بعد إرهابي بحت، بقطع النظر عن حرق المزارع والحصول متاعنا وضرب المنتوج متاعنا الاقتصادي، كان فما حرائق استراتيجية يعملوها الخلايا الإرهابية سواء لتشتيت مجهودات الأمن، أو للتنقل من بقعة لبقعة... ووقتها قالو راهو لقينا ناس ضالعين في الحرائق هاذي، ووقتها كان فما معلومة مؤكدة، وبما فيها فما بعض حراس الغابات ما نحبش نتهمهم اللي هوما عليهم نقطة استفهام كبيرة برشا في إطار العفو التشريعي العام وفي إطار الناس اللي خدمو"...
وأوضح ضيف برنامج في 90 دقيقة في المقابل، أن هناك مؤشرات إيجابية هذه المرة في علاقة بلجنة التحقيق التي تم بعثها في قباس لتحديد الأسباب الأولية لحريق سوق جارة "سوق الحنة"، لا سيما وأنه تم بتعليمات من رئيس الجمهورية منحها مهلة تنتهي غدا السبت للإعلان عما توصلت إليه.
"المؤشر الإيجابي المرة هاذي في إطار اللجان اللي هي محددة بوقت اللي هو غدوة السبت، هاذي تعليمات، في إطار الاجتماع الأول اللي أذن بيه رئيس الجمهورية، وأشرف عليه المعتمد الأول اللي ينوب الوالي، وقتها تعملت لجنة مستقلة مش مالحماية المدنية فيها مالتجهيز وفيها خبراء على أساس بش تعهد لها مهمة التقرير الأولي لأسباب الحريق خاطر مش هوما بش يحددو شكون، خاطر هاذي بش تتعهد بيها السلطات القضائية والأمنية، أما على الأقل يعطونا معطى يقولولنا الحريقة اللي صارت في جارة هاي الأسباب متاعها على الأقل مبدئيا، اللي هي بداية حجة انجمو نبنوا عليها في نطاق الأبحاث اللي بش تصير، هاذيا عطاوها مهلة لنهار السبت بش تحدد زادة ما ورد في بيان حزب النهضة في مدى نجاعة تدخل الحماية المدنية وتوقيت خروجها ووصولها هذا مهم برشا زادة بش تأكد اللي الناس هاذوما اللي خدمو فما تقصير ولا ما فماش تقصير.".