قدمت الدكتورة أحلام قزارة مديرة الرعاية الصحية الأساسية، اليوم الأربعاء 23 نوفمبر 2022، بعض المعطيات حول مرض الشيغيلا وطريقة انتقال العدوى والأعراض التي تظهر على المصاب بها.

وأشارت قزارة خلال مداخلة مع برنامج في 90 دقيقة على إي أف أم، إلى أن تونس سجلت إلى حد الآن 96 حالة، وقررت الوزارة فرض إجبارية الإبلاغ عن المرض من قبل كافة المخابر، مضيفة أن 9 حالات من بين المصابين تعود لأشخاص أعمارهم أكثر من 18 عاما.
وقالت محدثتنا:" عنا زوز حالات أجانب، وحدة ألمانية ووحدة بريطانية كانوا في نزل في الحمامات، فما 6 صغار رقدوا في الإنعاش منهم البنية اللي توفات الشيغيلا هي بكتيريا متاع بشر تخرج في الوسخة الكبيرة، انجم نقارنها شوية كيما البوصفير نوع أ، المرض اللي يجي مالايدين المسخة، تنتقل بسهولة بين الناس بالمسان، ما بين شخص مريض وشخص صحيح، ينجم ينتقل عبر الماء والكماين متاع الماء اللي تدور وما نعرفوش مصدرها في البادين، غير مراقبة وما نعرفوش المصدر متاعها، تنجم تتعدا من الماكلة اللي تقعد عريانة في الدار، الذبان ينقل المرض هذا، الماكلة كي نمسها بايديا مش مغسولين حاجة باردة، تنجم تنتقل بالخضرة والغلة اللي مش مغسولين ومعقمين...الأعراض، إسهال كبير برشا، ينجم يكون فيها كي اللعاب ينجم يكون فيها دم، برشا مرات في النهار، فوق العشرة مرات، وجايع قوية في الكرش، سخانة كبيرة، وينجم يرد، هاذم أهم الأعراض، الحالات اللي فيهم أعراض مسترسلة هوما الحالات اللي صارت فيهم تعكرات، كيما البنية اللي توفات، تنجم تكون أعراض في الجهاز الهضمي، تعكرات دماغية، تعفن في الدم، هذوما اللي وصلوا لحالات خطيرة برشا...  كي نشوفوا الإسهال برشا مرات في النهار للصغير نتصلوا بالطبيب المباشر متاعو، هي مش الحالات الكل حالات صعيبة، لكن أحنا تفطنا بالحالات اللي وصلوا للمستشفيات، وعطاو التنبيه ونجمنا نكتشفوا الشيغيلا هاذيا اللي عندها 10 سنوات ما وصلتش لتونس"..