اعتبر كاتب عام نقابة الأمن الجمهوري محمد علي الرزقي اليوم الأربعاء 9 مارس 2022، أن الأبحاث في التي تمت في علاقة بأحداث ملحمة بن قردان لم تتم كما يجب.

وقال الرزقي:"أحمد العماري اللي هو عضو مجلس النواب اللي ما تمش بحثو، يوم الحادثة بالذات توقف قدام الثكنة وهو في يدو جهاز هوائي يتسما الثريا اللي هي بيدها مخالفة قانونية ما يمشي كان برخصة من الأمن الوطني..طلع نائب عن النهضة بالهويشات، وهو اللي قال أحمد العماري تم إيقافو مع الإرهابيين، ومبعد جاء وزير الدفاع فرحات الحرشاني في جلسة مغلقة في البرلمان وقال نقطة، مش بش نكذبو قال حميناه وشديناه مع الإرهابيين لقيناه البرة وإطلاق النار برشا دخلناه خبيناه في الثكنة، أش يعمل هو الأربعة متاع الصباح قدام الثكنة وفي يدو جهاز ثريا، تي الراجل سارق وفي يدو شمعة، تتصور سارق في يدو شمعة وأحنا نخبيو عليه وطلع في البلاتوات وقال ما تنجموش تشدوني.. البحث منقوص و50 إرهابي كيفاش دخلو... وصلنا ما عادش نعرفو نبحثو عندنا بحاثة وناقصتنا تعليمات"...