علق غازي الشواشي أمين عام حزب التيار الديمقراطي خلال حضوره اليوم الثلاثاء في برنامج في 90 دقيقة على إي أف أم على استقالة مدير الديوان الرئاسي نادية عكاشة من منصبها.

وقال الشواشي،:"هو الثابت كانت الشخص الثاني في الدولة بعد 25 جويلية وأنا كنت شاهد على واقعتين اللي ثبت عندي إنو كلمة نادية عكاشة أكثر من كلمة رئيس الدولة وكانت تفرض في موقفها.. كان عندها دور كبير داخل قصر قرطاج وكانت في بعض المحطات تفرض حتى موقفها على موقف الرئيس، والرئيس عطاها مكانة متميزة داخل القصر والبارح حتى في الاستقالةما تحكيش كاينها كانت تعمل مع الرئيس هي كانت جنب إلى جنب للرئيس، وبالتالي هذا المشروع نادية عكاشة هي عرصة أساسية فيه، البارح بالاستقالة متاعها تشعر إنو معركة الشقوق اليوم كانت لفائدة الطرف الثاني اللي هو الشخصية الثانية القوية الآن اللي هو السيد توفيق شرف الدين اللي متحالف مع شقيق رئيس الدولة ومتحالف مع شقيقة حرم الرئيس، هذا الشق القوي واللي يبدو هو قاعد يفرض في الأجندا متاعو، واللي هو قاعد يقوم بالتعيينات داخل وزارة الداخلية وداخل السلط الدبلوماسي"...