وقال الطريفي:" المستبد ينجم واحد يشد ميكرو ما يعطيه لحد يتسمى استبداد، عندما تنفرد بالسلطات يتسمى استبداد، أصدقائنا ما تتغشوش كي نقول كلمة استبداد وخوذوها كيما هي لغويا... هذا الكل يؤدي كونو فما خوف على الحريات وفما انتهاك للحقوق والحريات معناها حرية التنظم والتجمهر السلميين نعتبروا أنها منتهكة، فما عدم احترام القانون في عدة مجالات، مثلا في الوضع تحت الإقامة الجبرية اللي ظاهرلي ما عاد حتى حد تحت الإقامة الجبرية تعديناها المرحلة هاذيا، إقصاء بعض الأحزاب من العمل السياسي أعتقد أنه تهديد للحقوق المدنية والسياسية عدم منح تراخيص لبعض الأحزاب للتظاهر أو للقيام بتحركات هذا أيضا ضرب للحقوق المدنية والسياسية وفما حاجة أخرى زادة ماناش نشوفو فيها الصنصرة الذاتية راهو نشطاء المجتمع المدني والسياسيين والمواطن العادي قاعدين يعملو في صنصنرة ذاتية لرواحهم، أنا واحد مالناس وصلت عملت صنصرة ذاتية ماعادش نحب نتكلم في الشأن العام، ما عادش نحجب نعطي موقف الرابطة بسبب الهجمات الفايسبوكية اللي نتعرضولها وحملات التشوية، مؤخرا عندك أنا وسامي الطاهري وونقيب الصحفيين تعرضوا لحملات تشويه على الفايسبوك وتخوين وهاذوما متاع الخارج وما يحبوش الخير للبلاد وخوانجية، هذا أيضا حملات التشويه الممنهجة، الضغط والانتهاك لحرية التعبير مسؤولة عليه السلطة القضائية والتنفيذية... هذا يخلينا في خانة ما نحسوش روحنا في مناخ يضمن الحقوق والحريات".
Address: Immeuble Louati 4e étage Lot 6.5.9
Les Jardins du Lac - Tunis - Tunisie
Tél: +216 70 016 020
E-Mail: contact@ifm.tn