أكد أمين عام حركة الشعب زهير المغزاوي اليوم الأربعاء 20 أفريل 2022، خلال حضوره في برنامج في 90 دقيقة على إي أف أم، أن الأجواء الموجودة لا تنبئ بأننا ذاهبون إلى الانتخابات.

وقال المغزاوي:" الأجواء الموجودة اليوم لا تنبئ أننا ذاهبون لانتخابات والخطر الأكبر إنو نمشيوا للانتخابات ويكون الاقبال عليها ضعيف، وتكون الناس مش منخرطة في العملية السياسية، الخطر الأكبر وقتها بش ندخلو في التنازع متاع الشرعيات، لأنك انت كي تربح انتخابات بـ10 بالميا ولا بـ6 بالميا أنا من حقي وقتها نقلك إنك مش شرعي، وهذا راهو صار شوفو جارتنا ليبيا الأزمة الموجودة فيها والمتراكمة إلى حد الآن، واحد م الأسباب انو صارت انتخابات انهزموا فيها الاخوان قالوا ماناش معترفين بيها، صارت حتى حروب أهلية ما نحبوش نخوفوا العباد نحنا، في عديد الدول حينما جرت انتخابات وكان الإقبال عليها ضعيف... إذا اليوم عنا مشكلة اللولى إنا ذاهبون لاستحقاقات انتخابية ورئيس الجمهورية ماشي في بالو أنو الاستحقاقات هاذي ينزل على فلسة يمشيوا التوانسة لصناديق الاقتراع بعمرها الشعوب ما تمشي بالفلسة لصندوق الاقتراع، الشعوب تمشي بعد ما يسمى بالزمن الانتخابي...".
وتابع أمين عام حركة الشعب:" المطلوب اليوم الأن الرئيس يعمل حوار مع الناس على الأفكار متاعو، وفما مسألة أخرى لا تقل أهمية، ما انجموش نمشيوا لاستحقاقات ويقبل عليها الناس في ظل الوضع الاقتصادي اللي عايشتو العباد اليوم، أحنا بالنسبة لينا العباد ماهيش بش تكون منخرطة في العملية السياسية مادام العملية السياسية ما تشعرش الناس إنها بش تكون عندها تأثير في حياتهم...".