اعتبر المكلف بالإعلام في حركة الشعب أسامة عويدات اليوم الاثنين 7 نوفمبر 2022، خلال مداخلة هاتفية مع برنامج في 90 دقيقة على إي أف أم، أن كل تمديد لآجال تقديم الترشحات للانتخابات التشريعية فيه ضرب لمبدأ تكافؤ الفرص.

وقال عويدات:" كيفاش تسمح لرؤساء بلديات يترشحوا للانتخابات التشريعية وهوما مازال يمارسو على أساس أنهم رؤساء بلديات، ونلقاوهم على أساس جمع التزكيات يوعدو بأكشاك وبرخص بناء ونلقاوهم مترشحين إلى حد الآن، المفروض أنو يوم اللي أعلنو أنهم مترشحين وقبل ما يجمعو التزكيات يقدموا استقالاتهم من رئاسة البلدية اللي هوما يرأسوها لأنو الانتخابات صايرة على دوائر تقريبا هي نفس الدوائر البلدية، النقطة الثالثة في الندوة الصحفية أعلنوا هوما على أساس أنو تم قبول زوز نواب سابقين في حين أنو حركة الشعب كانوا عندها 5 نواب لموا التزكيات وقدموا ترشحاتهم وجاهم الإعلام أنو تم قبول ترشحاتهم، أحنا قمنا بالطعون متاعنا، في عديد من الجهات اللي تم إسقاط قايماتنا فيها كيما في فرنسا واحد مثلا، لأنو الراجل جاب نسخ لجوزات سفر الأشخاص وانت أسقطتلي 250 شخص علاش لأنو فما أسماء الأمهات مش صحيحة، هذا الكل انجمو نتجاوزوه لأنو قدملك وثيقة رسمية تصبح فيها صحة المعطيات"...