وقال المكي:" بن علي عندما ضرب النهضة كتيار ديني مسيس أراد في إطار رؤيته الاستراتيجية أن يستبدل التيار الديني المسيس بتيار ديني غير مسيس كي لا يبين أنه يحارب الدين فاستجلب السلفية إلى تونس وأغدقت عليهم من الكتب والأموال تحت عيون كل الناس، عندما صار الانشقاق والظاهرة متاع بن لادن وانشقت السلفية إلى سلفية علمية وسلفية بين ظفرين جهادية في تونس انشقوا كذلك وصار اللي صار، وقتلي قامت الثورة كانوا مئات منهم في السجون الباجي قايد السبسي رحمه الله متعهم بالعفو التشريعي العام بأكا المرسوم كيف شدت حكومة الترويكا لقات أمر قدامها، لقات الخيمات الدعوية ولقات الناس هاذيا تسيبت وتنشط، كيف تعاملت مع الأمر الآلة الأمنية تتبعت الأمور واقترحت على الدولة تصنيفهم تنظيما إرهابيا وبدأت المطاردات، أحنا في حزب العمل والإنجاز نحبو القضايا هاذي اللي تقع تحت طائلة القانون تمشي للقضاء وقلنا إذا كان في ملف التسفير بش تصير محاكمات عادلة فنحن نكون سعداء بذلك خلي تتبين الحقيقة أما المشكلة المحاكمة قاعدة تصير في البلاتوات مش قدام القضاء وأنا نأكدلك اللي برشا ناس في تونس ما حاشتهمش تتغلق الملفات هاذي بإظهار الحقيقة حاشتهم تقعد خيط طويل يستثمروه، مثلا قضية الشهيدين شكري بلعيد والبراهمي الله يرحمهم من أوضح القضايا الإرهابية ولكن ما يحبوهمش يتحكموا لأن ذلك بالنسبة للبعض أصل تجاري للاستثمار"...
Address: Immeuble Louati 4e étage Lot 6.5.9
Les Jardins du Lac - Tunis - Tunisie
Tél: +216 70 016 020
E-Mail: contact@ifm.tn