علق النائب يوسف طرشون مقرر لجنة النظام الداخلي بالبرلمان اليوم الاثنين 17 أفريل 2023، خلال حضوره في برنامج في 90 دقيقة على إي أف أم، على مصير اتفاق تونس مع صندوق النقد الدولي.

وقال طرشون:" رئيس الجمهورية أشار أنو لا سبيل إلى توقيع اتفاقيات قد تهدد الأمن والسلم الداخلية، وهذا مرتبط أساسا الكلنا نعرفو بالإملاءات المرتبطة برفع الدعم، اللي هو معناها مسألة آليا في الظرف الحالي اللي تعيشو بلادنا ستؤدي إلى احتجاجات اجتماعية، ونحنا أصلا نرفض ذلك لأننا ندافع على الديمقراطية الاجتماعية، الناس هاذيا بعد ربما ما وقع تداوله بشأن البريكس وإمكانية انضمام تونس إلى التحالف الدولي هذا، فما بعض التراجعات وتبدل الخطاب من قبل صندوق النقد الدولي وكذلك الناس اللي هي فاعل أساسي فيه، أنا نفول اللي صندوق النقد الدولي قاعد يراجع في روحو في علاقة بالاملاءات الكبيرة اللي كانت يحب يفرضها على تونس... أن متأكد أن الوضع الجيو استراتيجي في العالم اليوم وخاصة التأثير متاع الحرب الأوكرانية، اللي بدلت التوازنات في العالم وكذلك، أصدقائنا وأشقائنا كيما الجزائر وما صرحت به وحتى بعض الدول العربية... المسألة ليست ميكانيكية لأنو الناس هاذوما يعرفوا مصالحهم هوما أنفسهم وراهو مش بش يغيروا آرائهم لأنو خايفين منا وإلا لأننا عملنا تصريحات، هوما عندهم مصلحة في كونوا تونس تبقى في المربع اللي تسطر منذ 65 عام"...