أكد حمة الهمامي أمين عام حزب العمال اليوم الثلاثاء 7 جوان 2022، خلال حضوره في برنامج في 90 دقيقة على إي أف أم، أن عدم انتفاض القضاة ضد منظوريهم الذين تعلقت بهم شبهات لا يخول لرئيس الجمهورية قيس سعيد التدخل في القضاء بالطريقة التي تدخل بها.

وقال الهمامي:" اعتبري القضاة لم ينتفضوا ضد منظوريهم هل هذا يخول لقيس سعيد بش يتدخل بالطريقة هاذيكا، حتى الجماعة اللي مرتكبين جرائم ولا مخالفات أحنا رانا في حزب العمال دافعنا حتى على حق خصومنا، أسمعني راهو يلزم يتمتع بحق الدفاع عن نفسو ويستمع، إصلاح القضاء ما يتعملش بالطريقة هاذي، رانا مازلنا نخدمو بقوانين فرنسا عندك منظومة قانونية راهي فما قضية متاع هيكلة، وفما إصلاح القضاء أو تغييرو جزء من تغيير أوضاع كاملة إدارة أمن جيش، اقتصاد، ما تنجمش عندك حاجة تضلع وانت تحب تصلح، ولكن في نفس الوقت فما قضاة نضاف وهوما يحاربو وتعرف بن علي شعمل فيهم، إذا هذا ما يمثلش الفساد في القضاء، هاو قيس سعيد وين الخطورة متاعو باسم فما فساد في القضاء، يحب يعمل شريحة فاسدة متاعو هو، ينحي الشريحة الفاسدة متاع النهضة ويحط الشريحة الفاسدة متاع قيس سعيد".