أشار الأستاذ الجامعي والناشط السياسي حمادي بن جاب الله، اليوم الخميس 12 ماي 2022، أنه أطلق تسمية الدكتاتورية الظلامية على الإسلام السياسي في تونس بعد انتخابات 2011، قبل أن يعدل التسمية إلى الاستعمار الداخلي.

وقال بن جاب الله :" الدكتاتورية الظلامية هاذيا قلتها قبل انتخابات 2011... قبل السيد رئيس الجمهورية ما كنتش نسمع بيه بالكل..قلت رانا نستناو كنا مع بورقيبة السلطوية مش التسلط، يقول أنا نحكم كيما قال سي الباجي الله يرحمو، يقول أنا نوريكم ونقودكم ونهزكم للكذا إلى آخره... تعدينا إلى نظام بدأ على الطريقة البورقيبية ثم بدأ ينحاز بحكم بداية تحالفه مع الإسلام السياسي وليناش نلعبو، كنت في ديوان وزير التربية والتعليم العالي 9 سنين ونعرف ما يحصل على الأقل في الدواخل، وقلت رانا سننتهي بعد الانتخابات هاذيا إلى دكتاتورية ظلامية اذا كان تقولو بن علي دكتاتوري راهو اللي بش تجينا أحنا دكتاتورية ظلامية وأعني به الإسلام السياسي لأني كنت نعرف بش يجي، بحيث هذا قبل الآن، بعد هذاكا الدكتاتورية الظلامية سميتها الاستعمار الداخلي... وقيس سعيد حفظة الله لو كان ما عمل حتى حاجة إلا هذا أنو 25 جويلية أدرك أنه ينبغي أن يأخذ القرار الذي اتخذه باعتباره الحافظ لوجود الوطن ولاستقلال الوطن، مش حررنا ...وضعنا في طريق التحرر من الاستعمار الداخلي الخوانجي...الآن هل نحن بقينا في ذلك أم لا هاذيكا حاجة أخرى".