أكد عميد المحامين إبراهيم بودربالة اليوم الثلاثاء 12 أفريل 2022، خلال حضوره في برنامج في 90 دقيقة على إي أف أم، على ضرورة تغيير نظامي الحكم والاقتراع في البلاد، مشددا على أنه كان طالب بتغيير نظام الاقتراع على القائمات بنظام الاقتراع على الأفراد في دورتين، مذ كان عضوا في هيئة تحقيق أهداف الثورة.

وقال بودربالة:" بلاد كيما تونس فيها أكثر من 230 حزب عبث سياسي هذا، تونس ما تحتمل إلا 3 أو 4 أو 5 أحزاب على أقصى تقدير، مش أنقص في الأحزاب، الأحزاب اللي ما عندهاش امتداد جغرافي من بنزرت لتطاوين آش عندها من تمثيلية.. اللي زاد شجع على التشرذم الحزبي هو نظام الاقتراع، انسان على 200 صوت عندو أمل بش يولي عضو في البرلمان... أنا قلت تكون أحزاب فاعلة في الساحة مش حاضرة، دور الأحزاب تأطير المواطنين وتعبأتهم للحملات الانتخابية، إذا كان حزب مش قادر على تأطير المواطنين وتعبئة حافلة بالمناضلين متاعو آش عندو من وجود.. كي قلنا نطبقو نظام الاقتراع على الأفراد على دورتين ينجم حتى شخص يترشح راهو.. الأحزاب عندهم الحق بش يترشحو بشكل فردي، مهما كان الحزب ينجم يقدم يقول أنا نمثل الحزب الفلاني..