أكد ناجي جلول رئيس حزب الائتلاف الوطني اليوم الجمعة 23 سبتمبر 2022، خلال حضوره في برنامج في 90 دقيقة على إي أق أم، أن صندوق النقد الدولي لم يعلن بعد رسميا عن منح تونس لقرض على عكس ما قاله محافظ البنك المركزي مروان العباسي.

وقال جلول:" صندوق النقد الدولي عكس اللي قالو صديقنا مروان العباسي لتوة ما وافقش عالقرض ما خرجش قال وافق، قال بش يعطينا ما بين 2 و4 مليار حتى القيمة مازلنا ما نعرفوهاش، أحنا قلنا بش يعطينا هو مازال ما قالش حتى شي مازال ما فما شي...الدول العظمى ما هيش جمعيات خيرية، الغرب يحب يعرف أحنا مع شكون، شوف أما تكون مع الغرب ولا مع الصين وروسيا راهو الزوز اختيارات محترمة...الغرب جاو اللي قاعدين يعطيونا في الفلوس قالولنا بربي انتوما معانا ولا مش معانا وكانكم معانا معناها تطبقو الديمقراطية لأننا نؤمن بالديمقراطية، اليوم فما ضبابية في السياسة الخارجية التونسية، أنا حكيت مع بعض العباد خارج تونس قالولنا بربي انتوما شكون؟، من نحن؟، ما تأخذ فلوس من صندوق النقد الدولي كان ما توضح أمورك الخارجية وسياستك الخارجية وتكون واضح لأي معسكر ننتمي، السياسة الخارجية متاعنا لا معلقة ولا مطلقة"...