وقال حجي:" أنا مش ماليوم نهارت كان تتذكرو اللي سكر المجلس الأعلى للقضاء قبل ما يعمل بمرسوم مجلس جديد سكرو بسلسلة أعضاء المجلس الأعلى للقضاء مشاو للمقر متاعهم لقاوه مسكر بسلسلة وسيارات الأمن منعوهم من أنهم يدخلو للمقر متاعهم تتذكروها الحادثة هاذي، أنا قلت نهارتها خرجنا من منطق الدولة ودخلنا لمنطق الويسترن بش نشبهو في فيلم ويسترن يدخل الفتوة قال الراجل لبار ياخذ فلوس اللي يحب يقتل اللي يحب خاطر هو الأقوى، اليوم المحكمة الإدارية تصدر قرارات باسم الشعب التونسي، راك عندما لا تحترم قرارات أي محكمة راك لا تحترم الشعب التونسي لأن قرارات المحكمة تصدر باسم الشعب التونسي، إذا آش عنا اليوم أحنا، عنا إنسان يحكم وقراراته لا تصد ولا ترد ثم يتحدث عن دولة القانون والمؤسسات، إذا كان سلطة لا تحترم القضاء غدوة لمن نحتكم نحن الشعب الفقير إلى الله... نمشي أبعد من هكة ماهو عمل دستور وعمل فيه محكمة دستورية برا نقيسو أحنا، عمل هو قانون وصادق عليه مجلس النواب، طعنو نواب بعدم دستورية أو دفعت أنا مواطن تونسي بعدم دستورية وأنصفتني المحكمة الدستورية وقالت القانون هذا مش دستوري، إي كي رئيس الجمهورية يقلك مش دستوري وأنا بش نطبقو والمحكمة الدستورية تلزم كان روحها كيما عمل توة مع المحكمة الإدارية، إي انجمو معيشو فيها البلاد هاذي، معناها هل انجمو نتخليلو ديمقراطية ودولة قانون ومؤسسات وقتلي فما شخص لا يحترم أي سلطة أي قرار أو جهة مهما كانت شرعيتها ومشروعيتها... قرارات المحكمة أي محكمة تصدر باسم الشعب التونسي عندما لا تحترم الدولة هذه القرارات فهي لم تحترم الشعب التونسي بالنسبة ليا أنا واضح، في كل الحالات المسار الكل هو يقول شعاره الشعب يريد الحقيقة أنا ما ريت حتى شي ماللي يعمل فيه ينطبق مع شعار الشعب يريد"...
Address: Immeuble Louati 4e étage Lot 6.5.9
Les Jardins du Lac - Tunis - Tunisie
Tél: +216 70 016 020
E-Mail: contact@ifm.tn