أكد أمين عام حزب العمال حمة الهامي اليوم الثلاثاء 7 جوان 2022، أن 45 قاضيا من بين قائمة الـ57 قاضيا الذين تم إعفاؤهم لا توجد ضدهم، أي تهمة، وأن السبب الرئيسي لإعفائهم هو رفضهم للتعليمات.

وقال الهمامي:" القائمة مش الكل غالطة، فما 57 فيهم 2 في القضاء الإداري و55 في القضاء العدلي، توة القضاة أكدولنا على ال55 فما 45 ما فما حتى تهمة ما فما حتى شي ... الأسباب رئيس الدولة قيس سعيد وقت عمل انقلاب 25 جويلية قال نحب النيابة العمومية تولي عندي، نبهت التوانسة افهمو شنوة معناها رئيس سلطة تنفيذية يقول نحب نولي أنا رئيس نيابة عمومية... وقتها عمل مرسوم ما ذكرش حكاية النيابة العمومية، حتى بوكاسة اللي شطر الميزانية متاع افريقيا الوسطى عمل بها تاج ما قالش هكا، قيس سعيد قال أنا نحب نولي رئيس نيابة عمومية بعد بدل المجلس الأعلى للقضاء هذا الكل ما كفاش راهو الجماعة اللي سماهم هو راغهم فيهم حتى اللي موسمهم هو جاء نحاوهم وخاصة في النيابة العمومية وفي التحقيق... قيس سعيد وهذا نتوجه بيه للتوانسة اللي مش فاهمين الوضعية متاع القضاة، الأسلوب اللي يستعمل فيه أسلوب الطغاة والمستبدين الكل، يبدا بالتأليب، يألب الرأي العام راهم القضاة بيهم وعليهم راهو فيهم وحدة زانية راهو فيهم سارق، بش يعدي قرارو، اللي يتلخص في كلمة وحدة، قيس سعيد يحب يولي مفاتيح الحبس في يدو هو يدخل الناس للحبس وهو اللي يخرجهم... القضاء مازال ما خسرش معركتو، وهو ما كانش مستقل راهو في وقت النهضة كنا نسموه قضاء نور الدين البحيري، وقت بن علي كان فما دوائر معروفة إذا تعديت قدام دايرة 6 افهم روحك بالمسبق واذا تعديت قدام محرز مانيش عارف شكونو أعرف روحك بالمسبق، وقت بورقيبة نفس الشي ومعركة استقلالية القضاء مستمرة إلى اليوم ولكن بالنسبة لقيس سعيد قال للتوانسة بش نغير ونصلح القضاء، جاء يحب يعوض فساد بفساد وأغلبية القضاة اللي نحاهم ما يحبوش التعليمات... وكيل الجمهورية متاع تونس ولا قاضي التحقيق ماهو ما حبوش يدخلو النواب للحبس موش خاطر يحبو النهضة راهو قالو لا أنا اللي نكيف التهم ياخي تجي رئيس جمهورية تقول الانقلاب وتآمر على أمن الدولة مش انت اللي تكيف التهم، كلم وزيرة العدل... رئيس الجمهورية كيف الجريمة وهذا خطر".