علق الخبير العسكري مصطفى صاحب الطابع، اليوم الجمعة 9 جوان 2023، خلال مداخلة هاتفية مع برنامج في 90 دقيقة على إي أف أم، على حادثة سقوط المروحية العسكرية بمنطقة كاب سيرات.

وقال صاحب الطابع:" أولا واجب علينا جميعا الترحم على أرواح أبطال تونس...  كل جندي في جيش تونس من الفريق الأول حتى جندي يعتبر بطل، لأنو جيش تونس يخدم في ظروف صعيبة بإمكانيات قليلة... المشكل أصبح سياسي، لأن الظروف تبدلت ولا بد من القيادة السياسية أن توضح دور ومهمة الجيش التونسي في الظروف هاذيا اللي تبدلت، التهديد تبدل، المناخ تبدل كل شي يلزم يتبدل، بالرجوع للحادث، عنا معدات توة تقريبا فاتت 40 سنة عمر، الطائرة هاذي الهيلوكوبتر أول طيران عملتو عام 1956، في وقتها بالطبيعة هي من أحسن المعدات، لكن توة قداش بش تعمل من صيانة وأحنا توة الجيش التونسي يولي بطل في الصيانة وآش خص كان معناها جميع المرافق الأخرى ياخذو عليه مثال... لا بد توة القيادة السياسية تعمل وقفة تأمل ووين نحبو نمشيوا وكيفاش نحبوا نمشيوا فيما يخص الجيش التونسي، في التركيبة، التنظيم، المعدات، الأفراد، شنية العقيدة متاعنا؟... ".