اعتبر خليل الرقيق كرونيكور برنامج في 90 دقيقة على إي أف أم، اليوم الثلاثاء 14 مارس 2023، أن النائبة فاطمة المسدي ارتكبت خطأ في علاقة بالتصريح الذي فسرت فيه أسباب منع وسائل الإعلام الخاصة والأجنبية من حضور أشغال الجلسة العامة الافتتاحية لمجلس نواب الشعب.

وقال الرقيق:" أختنا فاطمة غلطت برشا لأنها عملت تصريح يشتت الأذهان ويفقد المسألة معناها...خلي نكونوا واضحين أحنا وقبل انطلاق الجلسة الافتتاحية للبرلمان بدقيقة وقبل أداء اليمين كانت المسألة تسير وفق الأحكام الاستثنائية اللي مسؤولة عليها رئاسة الجمهورية، يعني أنا متأكد أنو القرار اتخذ من ذي سلطة، شنوة الهدف متاعو هذا يتناقش، على خاطر بعد تصلح، أنا بش نقول كيفاش تصلح أما نقول مالبداية، عندك حق وكانوا يعملوها قبل أنك تحكي على البث الحصري للقنوات الوطنية متاعك أما ما عندكش حق تحكي على الحضور الحصري وما فماش موجب بش تعمل الحضور الحصري وحرية المواكبة ومواكبة الأشغال لوسائل إعلام فيما من يساندك وفيها من هو ضدك وفيها من يعارضك إلى آخره، نحكي بالمعنى الإعلامي للكلمة وليس بالمعنى السياسي"...