أكد خليل الرقيق كرونيكور برنامج في 90 دقيقة على إي أف أم، اليوم الثلاثاء 29 مارس 2022، أن رئيس فهم أصل الموضوع وفصله، وسبب توجهه بالخطاب إلى كل من العالم والشعب التونسي، هو إدراكه هو أن اللعبة التي تتم في البرلمان هدفها العالم وليس الشعب التونسي.

وقال الرقيق:" اللي يعملو فيها يعرفو كيف يقراو حضورهم في الشعب التونسي ما يلقاو حتى شي، ولكن فاهمين أنو عملية الازدواجية اللي بش تتخلق في مؤسسات وهياكل السلطة ومصادر الشرعية سوف تؤدي إلى صورة إلى العالم.. يعني اليوم قيس سعيد يجيب هذا العالم اللي جزء منو تورط أو تجبه مع خصومه وهذا مش متخبي، زيارات تفقدية مكوكية، سفراء يتحركوا في كل وقت وفي كل مكان وفي كل زمان بدون رادع أو قانون، والناس الكل تخدم ويعرف اللي المعركة الآن ليست معركة الداخل التونسي لأنو حبينا ولا كرهنا هو كسبها من حيث الشرعية الشعبية، ولكن المعركة، هي معركة حضور الدولة التونسية الآن في دوائر الشراكة والتعاون .. اليوم عندنا مجلس ماذا سيفعل وقد تسرب كل شيء .. فما 6 قرارات كي تقراهم تفهم كل شي رغم اللي هوما يعرفو اللي ما عندهاش نفاذ في الداخل عندها رسالة: القرار الأول إيقاف العمل بالتدابير الاستثنائية، ثم إعلان حالة نهاية التدابير الاستثنائية، ثم إيجاد ازدواجية مش فقط في مؤسسة السلطة يولي البرلمان مصدر الحوار الوطني لا، ازدواجية في السلطة القضائية نفسها ودعوة القضاة القدم اللي وقع عزلهم إلى الانعقاد".