علق خليل الرقيق كرونيكور برنامج في 90 دقيقة على إي أف أم، اليوم الاثنين 20 جوان 2022، على القضية المعروفة إعلاميا باسم قضية شركة انستالينغو، والتي شهدت عديد الإيقافات، وكان من بين الموقوفين الناطق الرسمي الأسبق باسم وزارة الداخلية محمد علي العروي.

وقال الرقيق:" نحنا نتعاملو مع قضية عابرة للقارات متورطين فيها تونسيين وأتراك... اليوم المسألة علاش فيها أمنيين ومدونين، يعني الشركة هاذي اللي تقوم على لعبة أو خدعة اتصالية بالملفات لتشويه ناس عبر تونس وخارجها تعتمد على ناس تبيعلها في الأسرار الأمنية وربما الملفات المفبركة بش تحارب فلان وفلان وتطيح فلان في قضية وغيرو، ثم الناس هاذي يبدو أنا ما نحبش نجبد الأسماء وإن شاء الله كل واحد ربي يفك سراحو، فما ناس خدمت أونتانات في الدولة الخارجية اللي نحكيو عليها بمعنى ملحقين أمنيين وتعدات على إيديهم برشا حاجات خاصة أنو البلاد هذيكا كانت ممر متاع الباسبورات والشهائد العلمية المضروبة ومعبر أنطاكيا الإرهاب في سوريا وغيرو بمعنى أحنا اليوم أمام شبكة جهنمية حيرت الألباب التونسية ويجب أن يقف كل واحد على مسؤولياتو كي يبدا شكون الناس اللي دمرت العباد اللي قضات على مستقبل ناس وهتكت أعراضهم وصرت ناس دون إذن، وأنا نتمنا يمتد على شركات أخرى وصفحات أخرى أذاقت الويلات للناس مهما كان انتماءها السياسي لأنو جريمة التعذيب الالكتروني اللي تمارست في تونس بقيادة الشركات هاذي وبقيادة أحزاب سياسية وعضو كبير في حركة النهضة إلى حد الآن مسائل أو ذو شبهة، أحزاب سياسية لعبت بمستقبل الناس والوطن على خاطر هي عندها فلوس وعندها مدونين وأمن موازي تكريهم"...