أكد خليل الرقيق كرونيكور برنامج في 90 دقيقة على إي أف أم، اليوم الثلاثاء 21 جوان 2022، أن حقيقة الوضع الذي نعيشه اليوم، قد تم تضمنتها مسودة الدستور وخرجت من فم الرئيس وهي أننا دولة لا دين لها.

وقال الرقيق:" انتقلنا من دين الدولة اللي هي تقوم بالشعائر وتصوم وتصلي وتعاقب واللي هي في وقت بورقيبة تنجم تولي دولة تفسر المقاصد بطريقة تقدمية وفي وقت الغنوشي تنجم الدولة تفسر المقاصد بطريقة رجعية بحتة وتوليلك لا سنية مالكية واللي يتعدا شيعي يقحرولو ويضطهدوه هذايا نزعناه، هاذيا لحظة تطور نوعي كبير في تاريخ تونس بمعنى ستصبح دين الأمة ومجاله العبادات اللي هي مسؤولية شخصية بين الخالق والمخلوق وستصبح الهوية الجمهورية المدنية للدولة اللي هي مجال تسيير الشأن العام لكل المواطنين بقطع النظر عن دينهم ولونهم واعتقادهم وفكرهم"...