أكد خليل الرقيق كرونيكور برنامج في 90 دقيقة على إي أف أم، اليوم الخميس 16 جوان 2022، أنه وعلى الرغم من نجاح الإضراب، إلا أن هناك مؤشرات لا بد من الخوض فيها، وهي أن الإضراب العام هذه المرة كشف خلافا نقابيا نقابيا إلى جانب الخلاف بين النقابة والسلطة.

وأشار الرقيق، إلى أن بعض النقابيين كانوا رافضين للإضراب، وشاركوا فيه على مضض ومن باب الانضباط النقابي فقط لاغير.
كما شدد كرونيكور البرنامج على أن الإضراب قدم مؤشرات سيئة، تتمثل أساسا في توقف حركة الطيرانت تزامنا مع انطلاق الموسم السياحي، إلى جانب توجيه رسالة سيئة إلى الصناديق الدولية ومن بينها صندوق النقد الدولي، التي لطالما دعت إلى ضرورة حصول اتفاق بين الأطراف الاجتماعية في تونس.
وقال الرقيق:" فما مؤشرات يلزم تتقرا، في نهاية الأمر داخل الكنام والمكاتب البريدية نسبة كبيرة مشات تخدم، الإضراب هذا على رغم نجاحو واضح مادامو شل الحركة الجوية والبرية وكذا نجح، ولكن الإضراب هذا يبدو المرة هاذي في وسطو مش خلاف بين نقابة وسلطة برك فما خلاف نقابي نقابي في وسطو، فما نقابيين مش مقتنعين بالإضراب العام، ربما نتيجة أيضا كثرة الحساسيات السياسية في وسط الاتحاد ودخول النقاش السياسي على خط النقاش النقابي، فما جزء كبير من النقابيين اليوم حتى اللي مشا للإضراب مشا على مضض بمعنى وصرحو بهذا بش نمشيوا انضباطا فقط، معناها فما خلاف خاطر الاضراب هذا توقيتو مش باهي بالكل، ويبدو أنو حتى النقابيين اللي قاعدين يفاوضو اقتنعو بذلك وحبوا يتداركو في جلسة 5 زائد 5، إلا أن الحكومة أيضا ما مشاتش في الموضوع، الإضراب عطانا فكرة أنو النقابة الموجودة في تونس، قوية وتنجم تحركاتها، لكن عطانا مؤشرات خايبة برشا البارح يعني موسم سياحي في انطلاقو يصير توقف للطيران والطائرات هذا فشل لتونس ونجاح للإضراب، يعني عباد مطيشة قدام محطات النقل البري هذا نجاح للإضراب وفشل لتونس على خاطر تعرف اللي قدام النقل البري والنقل الحديد شكون، هوما اللي يخدمو في القطاع الخاص، نتيجة للإضراب فما قطاعات خاصة ما خدمتش لأنو الخدامة ما نجموش يوصلو لخدمهم، اليوم بش يوفا الإضراب غدوة بش يتعمل إضراب جديد مش بش يتعمل إضراب جديد غدوة بش تتعمل 5+5 جديدة وفي الـ5+5 الجديدة الإمكانيات المالية ما فماش وكل المطالب ذات المفعول المالي لن تتحقق لأنو يلزمنا نوفروا الاعتمادات المادية ونحكيو مع الاتحاد على شروط الحد الأدنى ونجدولو وبش نرجعو لنفس الحكاية لأنو فما حلقة مفقودة هي الفلوس في البلاد هاذيا، واليوم بعثنا رسالة خايبة برشا أنو الأطراف الاجتماعية اللي الصناديق قالت يلزمها تكون متفاهمة ظهرت روحها في حالة تصادم هذا اللي يلزم نحكيو فيه مليح مش نقابة رابحة... الاتحاد ما تهزوش نشوة نجاح الإضراب إلى المضي قدما والحكومة أيضا ما يهزهاش العناد إلى نسيان إنو يلزم يقعدو على طاولة ويجدولو كل شي"...