أكد خليل الرقيق كرونيكور برنامج في 90 دقيقة اليوم الجمعة 20 ماي 2022، أن سمير سعيد وزير الاقتصاد والتخطيط يمثل السياسية الاقتصادية للدولة التونسية بتفويض من رئيس الجمهورية.

وقال الرقيق:" يمكن فرق بين رغباته وبين واقع الأمر الذي يتطلب استمرارية الدولة واتفاقياتها التجارية وشراكاتها الدولية اختيار إلى حين، ولكن سمير سعيد يتحدث باسم الحكومة والدولة التونسية ويرسل رسائل واضحة ودقيقة، المرة هاذي علاش أنا عجبني الحوار تكشفت بعض الأوراق خاصة في علاقة بالشريك الاجتماعي اتحد الشغل، تعداو زوز رسائل واضحين مهمين، لن نخفض في الأجور معناها ما فماش تقليص في الأجور ولكن ما نستناوش في المدة القريبة القادمة زيادات تذكر في الأجور، هاذي الرسالة الأولى... رسالة لاتحاد الشغل رانا قادمين على تضحيات وربما سنقر بزيادات لن يتم تنفيذها على الفور، اثنين عطانا رسالة واضحة للناس الكل، أننا في المستقبل في الإصلاحات لن نجد منظومة الدعم على ما كانت عليه، انتهى الموضوع منظومة الدعم بش تتحطلها بعد دراسة شاملة أولا، بش تتحطلها قاعدة بيانات من هي الأسر المستفيدة ونبوبوها اجتماعيا حسب الدخل، وشنوة المبلغ التعويضي اللي بش يتحطلها وفقا لذلك، وبش نوقفوا نزيف كبير خاطر أحنا وقت نحكيو عالدعم نشوفو بعينينا ثروات بلادنا تتاخذ بالسعر المدعوم وتتباع في السوق السوداء بسعر السوق ويهزوها المهربين، فيلزم يا بطاقة متاع الدعم أو المهم منظومة تخلي التونسي اللي يستحق دعم في الفارينة وفي الخبز وفي السميد يمشيلو طول، ولهذا ما عادش فما رفع دعم ولكن فما ترشيد عملية دعم، يلزم زادة الطرف الاجتماعي ينخرط فيها ويعطي فيها مقترحاتو خاطر هاكي مش ساهلة زادة"...