علق خليل الرقيق كرونيكور برنامج في 90 دقيقة على إي أف أم، اليوم الأربعاء 15 مارس 2023، على الأرقام التي نشرتها وكالة نوفا الإيطالية بخصوص طلبات اللجوء اللي تقدم بها 21 ألف و447 تونسيا في العام الفارط إلى دول الاتحاد الأوروبي.

وقال الرقيق:" ماهمش 21 ألف سياسي بالطبيعة، ماعندناش 21 ألف سياسي يحب يهاجر من أجل أفكارو السياسية، فيه جزء ربما لجوء سياسي، فما اللجوء الإنساني، فما اللجوء اللي عندو أحكام قضائية يحب يخرج منها، فما اللجوء متاع اللي يتركب معطيات أنا نحب نهاجر ما انجمش نهاجر بالطريقة النظامية المعقولة، ما انجمش ندبر إقامة نكون دوسي لجوء، والدليل على ما قلتو أنا أنو بقدر ما تضخم طلب لجوء التونسيين، بقدر ما تقلص قبول الطلبات، لأنو الـ21 ألف ما يقبلو منهم إلا 2 في الميا، بمعنى الجهات الخارجية أيضا، تنظر إلى أنو المناخ الأمني في تونس ومناخ الاستقرار الاجتماعي في تونس، ليس ذلك المناخ الذي يشكل الخطورة أنها تقبل كل طلبات اللجوء مقارنة بدول فيها حروب"...