وصف خليل الرقيق كرونيكور برنامج في 90 دقيقة على إي اف أم، اليوم الأربعاء 23 نوفمبر 2022، قرار هيئة الانتخابات الصادر في منشورها عدد 31 بالقرار العبثي.

وقال الرقيق:" قرار هيئة الانتخابات هو قرار من غير ذي سلطة، معناها انت اليوم الايزي خرجتلك المنشور عدد 31 أصدرت أوامر ترتيبية إلى مؤسسات ماهياش تابعتلها وما عندهاش حتى حق بش تتدخل في خدمتها، وبالأوامر هاذي مثلا انت خلود مطالبة بش تبعث للإيزي مخطط تفصيلي في ضيوفك وفي توزيع الزمن وفي كل نشاطك أثناء الحملة الانتخابية كمؤسسة إعلامية، والايزي في المنشور 31 متاعها، عندها حق كيف ترى تجاوزات وإخلالات تقاضيك وتعدي للنيابة العمومية وتعمل كل شي، هذا الكل تعطا بغير ذي سلطة يعني حاجة عبثية في عبثية في عبثية، شنوة اللي يصير توة، المفروض الهايكا أول ما تقدم للمحكمة الإدارية تربح القضية متاعها، الهايكا بش تقدم قضية استعجالية للمحكمة الإدارية فيها تنازع اختصاص بينها وبين هيئة الانتخابات، وتنازع الاختصاص هذايا ، الفاصل فيه هو كيما قالو نقابة الصحفيين في بيانهم، هو المرسوم 116 المنظم لعمل الهيئة العليا للاتصال السمعي البصري اللي هي ما تنجم تأخذ تعليمات في مهنة إلا من ذي مهنة، وخاصة الإعلام دخل في حقبة أخرى هي الرقابة الذاتية، ما تنجمش سلطة أخرى تعطي عليك رقابة خاصة وأنو الانتخابات من جملة أنشطة عديدة يقوم بيها الإعلام، بمعنى أحنا علاقتنا بهيئة الانتخابات هي تكون عبر الهايكا بالطبيعة في القرارات المشتركة باعتبار فما استحقاق سياسي...".