وقال الرقيق:" مستر جوي قبل ما يحط ساقو في تونس صنع حكاية كانت عندها تفاعلات محلية وممكن تولي إقليمية...كيما عادة كل سفير بش يكون في تونس يقدم برنامج العمل في المهمة متاعو الجديدة، أحنا لحدة الآن عنا قائمة بالأعمال وهذا مازال إلى حد الآن لم يعتمد رسميا، فمن جملة ما قدمو حكا ألفاظ مش خدش الحياء كيما تحكي، ربما خدش الكبرياء التونسية، عندو 3 حاجات أساسية، أولا قالهم بش نمشي نحمي المواطنين الأمريكيين وكأنو حماية المواطن الأمريكي مش موجودة على التراب التونسي الي هو واجب، اثنين وأكبر غلطة هو استعمالو لمصطلح النفوذ، سأستغل أدوات النفوذ الأمريكي في تونس لإعادة الديمقراطية إلى العمل الطبيعي، وبالطبع هنا كلمة النفوذ تتنافى مع كلمة الشراكة والعلاقات والصداقة وتمشي في إطار أن الرجل جاء ليمارس ضغط على دولة مستقلة لكي يفرض عليها أجندا سياسية، ثالثا حكا حكاية أيضا كبيرة شوية وعندها معنى ولو أنها داخلة شوية في السياسة الأمريكية وما تهمناش أحنا هو أنو بش يحاول يدخل تونس في الموجة الموجودة حاليا متاع التطبيع مع إسرائيل وفي رأيي هاذي مسألة هي من ثوابت السياسة الأمريكية اللي هي نقلت حتى سفارتها من تل أبيب للقدس وما تهمناش نحنا بدرجة أساسية، المهم اللي صار كونو عادة ما تتعدا التصريحات هاذي دون أن تتم ملاحظتها في فترة كانت تونس بالحق ضايعة فيها دبلوماسيا وما عندهاش معايير بمعنى أنو تعودنا في فترة ما على التدخلات الخارجية على عبث السفراء ربما بمصير الوطن وعلى سفارات محلولة ماشية جاية عليها السياسيين يبلورو معاهم في الخطوات السياسية اليوم عنا ثاني خطوة من نوعها عملها رئيس الجمهورية أولا يستقبل وزير الخارجية ويؤكد على سيادة تونس وعدم قبولها للضغط، ولكن أساسا إنك تستعملي كلمة نفوذ وكلمة حماية الأمريكيين فإنك اعتديت على سيادة الدولة، شنوة اللي صار صارت خطوة ثانية من نوعها سبق وأنو وقع استدعاء السفير التركي في ظروف مماثلة لأنو وقتها أردوغان تحدث على حل البرلمان ومش راضي على حل البرلمان ويجب إعادة البرلمان إلى غير ذلك، ووقعت الخطوة هاذي كشكل أدنى من أشكال الاحتجاج الدبلوماسي نعيط للسفير أو القائم بالأعمال، نقلو تونس كدولة مستقلة تحتج على هذا السلوك، لحد الآن وقفنا هنا ولكن في الفترة هاذيا ماهياش فقط السلوك الرسمي التونسي اللي هو تطور دبلوماسي اتحاد الشغل أصدر بيان، رابطة حقوق الانسان أصدرت بيان، فما فعاليات شعبية احتجت قدام السفارةـ يعني هي نقطة نظام اللي يحب يحترم نفسو ويحكي معانا يتفضل، اللي ما يحبش يحترم نفسو هوكا نقلولو احترم نفسك وأكهو".
Address: Immeuble Louati 4e étage Lot 6.5.9
Les Jardins du Lac - Tunis - Tunisie
Tél: +216 70 016 020
E-Mail: contact@ifm.tn