استبعد خليل الرقيق كرونيكور برنامج في 90 دقيقة على إي أف أم، اليوم الثلاثاء 15 مارس 2022، أن يكون رئيس الجمهورية قيس سعيد يخوض معركة ضد الاحتكار بسبب اقتراب شهر رمضان.

وقال الرقيق:"ّ هبوط قيس سعيد للشارع مرحلة مفصلية،  نعتقد أنو كان عليه في المدة الأخيرة أن يخرج من دائرة المكتب وإدارة الشؤون من خلال المعلومة إلى النظر إلى الشارع، علاش نعرفو مليح اللي الحكاية ما كانتش فقط مواطنية، خرجو أحزاب سياسية قالو راهي تونس تخوض معركة الأمعاء الخاوية والناس ما عندها ما تاكل وقدر ما خرجولنا مسؤولين وقالولنا مشكلتنا في اضطراب التوزيع وفي اضطراب التزود وماهيش في غياب المواد الأساسية بقدر ما الناس ولات تحكي على تونس أمام مرحلة الجوع، إذا قيس سعيد السياسي كان لابد له أن يغادر القصر ويختبر ميدانيا درجة تقبل المواطنين ليه، لأنو ما نعتقدش مسؤول سياسي آخر في الوضع اللي أحنا فيه ينجم يحكي بالأريحية هاذيكا مع المواطنين...".