علق خليل الرقيق كرونيكور برنامج في 90 دقيقة على إي أف أم، اليوم الجمعة 2 ديسمبر 2022، ساخرا على تصريحات رئيس بلدية بنزرت المقال كمال بن عمارة الذي اتهم فرنسا بالضغط من أجل إقالته من منصبه.

وقال الرقيق:" على أساس فرنسا وفات مشاكلها والحرب الروسية الأوكرانية، ووفات أزمة الطاقة، والسترات الصفراء، وعملوا إدارة في الشانزيليزيه بش يرصدو تجاوزات رئيس بلدية بنزرت ويضغطوا في إطار حملة سياسية معينة من أجل إقالتو من منصبو لما يمثله من خطر على المصالح العليا للدولة الفرنسية، الكلام الحقيقي أنو رئيس بلدية بنزرت سواء كان نهضاوي صرف وإلا بطل وولا ماهوش نهضاوي ولكن وهاذيا تصير في تاريخ النهضة، استقال يولي مش نهضاوي ولكن، فإن مشكلتو في الحقيقة ماهياش اختفاء التزيين احتفالا بعيد الجلاء، هي اختفاء التزيين حدادا على منظومة سياسية هو رافضها وحركة النهضة رافضتها، ولهنا نجي لجوهر الإشكال والمشكل، ماهيش حكاية إقالة رئيس بلدية، المفروض الدولة اللي جات حطت دستور جديد ومؤسسات جديدة وفككت كل مؤسسات النظام القديم ببرلمانو بمجلس قضاؤو بالإيزي متاعو عملت جدد، أول حاجة تعملها هي تبديل البلديات أو انتخابات بلدية جديدة، علاش لأني ما انجمش نحط في جوار 25 جويلية سلطة محلية متاع 24 جويلية"...