كشف خير الدين دبيبة الناشطة في مجموعة أوقفوا التلوث في قابس اليوم الاثنين 18 أفريل 2022، خلا مداخلة هاتفية مع برنامج في 90 دقيقة على إي أف أم، أن الأمور تبشر بكل خير الآن في علاقة بحادثة غرق سفينة الشحن اكسيلو، وذلك حسب الرواية الرسمية. 

وقال دبيبة في المقابل:" نحب نعلق فما شكون قال بشرى الثورة السمكية في قابس غير مهددة، هي كمية الغازوال كبيرة وتنجم تسبب كوارث اذا كان مثلا تغرق في قليبية، لكن في قابس يوميا الدولة تلقي 16 الف طن من مادة الفوسفوجبس في البحر، مش باخرة جاية من غينيا، واذا نقارنو 750 طن ب16 ألف طن تلقيهم تونس في البحر، خمس الكمية فيها حمض يظهرلي بين الغازوال والآسيد انجموا نعرفو شكون اللي يضر أكثر البحر، يعني أحنا يوميا عنا ضرر يوميا يتجاوز 50 مرة من التسرب اللي ممكن يصير، يعني هالنفاق هذا اليوم نراو في مسؤولين يجوا لقابس ويتجندوا، ضروري أنهم يتجندوا أحنا يلزمنا كل كارثة وضرر نتصدالو، 750 طرناطة مالوقود كارثة كبيرة لكن اللي يحكي على الثورة السمكية، أحنا كان عنا 300 نوع متاع أسماك في سنوات السبعينات، اليوم عنا أقل من 20 نوع بمعنى الثروة السمكية الدولة التونسية هي اللي دمرتها، والحكومة هاذي والسلطة التنفيذية الماسكة اليوم اللي استبشرنا ماشي في بالنا بعد 25 جويلية إلى حد الآن لم تتخذ أي إجراء"...