أكد المحامي والقيادي في جبهة الخلاص الوطني اليوم الأربعاء 12 أكتوبر 2022، خلال حضوره في برنامج في 90 دقيقة على إي أف أم، أن القضية المرفوعة ضد أمين عام التيار الديمقراطي غازي الشواشي لا تحمل أي معنى وأساسها سياسي. 

وقال بالحاج:" السلطة بعد 25 جويلية المجال متاع الاستهداف بدا يتوسع بالشوية بالشوية بدا ماللول بعناصر في حركة النهضة ولكن بعد توسع ليشمل جميع الأطراف غازي الشواشي وغيرو، اليوم زوز محامين في تعدي صارخ على قانون المحاماة، وقع احالتهم الأستاذة حياة الجزار والأستاذ أيوب الغدامسي، كل يوم قاعد يتوسع مجال الاعتداءات على الحريات وعلى حرية الصحافة والإعلام والتصريح... غازي الشواشي كي تجي تشوف قضية وحكاية ما عندها حتى معنى اللي قالو هو تقال في جرايد ورقية ومواقع الكترونية قبل بشهر، أنو الوزير هذا بش يستقيل ورئيسة الحكومة ربما استقالت، خرج بأكثر تفاصيل، قال غازي الشواشي أنو رئيسة الحكومة وبعض الوزراء قدموا استقالتهم، هذا يدخل في باب العمل متاع أمين عام حزب، معناها الموضوع نفسو متاع العمل السياسي فما الكواليس وحتى الحرب النفسية في السياسة تقتضي أنو يتقال أنو بش يتسقيل هذا، تنجم تكون صحيحة العملية وبعد على إثر تصريح غازي الشواشي وقع التراجع في التحوير هذاكا ولا عن الاستقالة، إذن إحالتو على منطوق فصل 128 هذا اللي هو ألغي حسب رايي وحسب راي برشا رجال قانون ألغي بمقتضى المرسوم 115، فما إخلالات كبيرة في الإحالة، رئيسة الحكومة ما شكاتش، المكلف العام في حقها فما إخلال إجرائي، الوكيل العام كذلك الإحالة متاعو باطلة، وبالتالي هذا هو البارح شنوة موضوع المرافعات اللي تواصلت لمدة 6 ساعات... الملفات اللي تعملت بعد 25 جويلية 2021 الكلها ملفات من الناحية القانونية ومن الناحية الواقعية ماهيش مدعمة وما فيهاش أركان الجرائم من غير ما ندخل في تفاصيل التحقيق والبحث، ماهيش مركزة وبالتالي وقع سماع في نطاق اجراءات التحقيق سواء قدام قضاة التحقيق ولا قدام الفرق العدلية اللي تخدم بإنابة عدلية، الملفات ما ريتش فيها أنها كيما ملف غازي الشواشي كيما ملف اليوم حياة الجزار وغيرها، ملفات الكلها غير مدعمة... الملف ديما قضائي حياة تقوةل الشكاية فيها اعتداء على هيئة قضائية أو قاضي أو واحد ينتمي للسلك العدلي، لاخر غازي الشواشي يقولو أنو نسب حاجات غير قانونية لموظف عمومي، الكلها التكييف قانوني لكن الأساس هو سياسي، إزاحة غازي الشواشي لأنو خصم لقيس سعيد، الأطراف اللي تحالت قبل كيف كيف خصوم، قيس سعيد ذكر غازي الشواشي مرة ولا اثنين في اجتماعات وقع تسجيلها وإذاعتها في موقع الرئاسة".