كشفت زينة الماجري المختصة في مجال اضطراب المعلومات عن منصة فالصو اليوم الجمعة 7 جويلية 2023، خلال حضورها في برنامج في 90 دقيقة على إي أف أم، أن الصندوق المالي الذي راسل رجل الأعمال التونسي خالد عبيد رئاسة الجمهورية بشأنه، هو غطاء لعملية تحيل كبرى سبق أن حذرت الأمم المتحدة منها.

وقالت الماجري:" بدينا بالحكاية متاع الـ100 مليار دولار، قال هو ما عندوش علاقة، نمشيو للتمشي الآخر، اللي هي الرسالة اللي بعثتها المؤسسة المالية لسي خالد عقيد، غزرنا للتفاصيل وحكينا شوية مع جمال العرفاوي اللي خدم على نفس الوثيقة، نلقاو زوز تفاصيل مهمين عالآخر، اللي هو البريد الإلكتروني متاع السيد المرسل اللي هو برايان الكولونيل اللي موجود في سنغافورة، مشينا للبريد الإلكتروني، اللي في العادة يكون فيه الموقع متاعهم، دخلنا لوجنا ما فماش موقع، رغم إنو اسم النطاق مشري من أوت 2014، لكن الموقع مش موجود وهاذي حاجة غريبة، خاصة وأنا نحكيو على مؤسسة مالية دولية مانحة... نلقاو اللي هوما كان عندهم موقع في الأرشيف عام 2017، كان منتحل الهوية والصفة البصرية متاع الأمم المتحدة، ولقينا الأمم المتحدة حذرت منهم قبل، طائفة كاملة متاع تحيل، موجودة في أندونيسيا، الموقع كان مسجل باسم شخص ومش باسم المؤسسة...في علاقة بالبنوك المركزية... الوثيقة اللي نحكيو عليها من بكري فيها اسم رئيس مجلس إدارة البنك الفيدرالي الأمريكي... على أساس أنو المؤسسة المانحة هاذيا، تم التحقيق في المصادر متاع أموالها والتقارير المالية متاعها عن طريق البنك الفيدرالي الأمريكي اللي هو البنك المركزي الأمريكي، ومكتوب اسم رئيس مجلس الإدارة، هذاكا علاش بعثنالهم مراسلة وسألناهم بعلاقتهم بالصندوق، قالولنا راهو هاذي عملية تحيل وما عنا بيهم حتى علاقة"...