اعتبر سفيان بن حميدة كرونيكور برنامج في 90 دقيقة على إي أف أم، اليوم الخميس 28 أفريل 2022، أن ما حدث بين تونس وصندوق النقد الدولي مؤخرا هو جولة من المشاورات ستعقبها جولة أخرى من المشاورات أو من المفاوضات مستقبلا.

وقال بن حميدة:" الجولة الجاية هي جولة مفاوضات أو جولة مشاورات أخرى، ثم أخطر من ذلك أنو حتى المشاورات ما نعرفوهاش على شنوة صارت.. رسميا اليوم الحكومة التونسية وأحنا اللي يهمنا واللي مالمفروض يعطينا المعلومة هو الحكومة التونسية، لليوم ما قالتلناش شنوة المشروع أو البرنامج اللي قدمتو للهيئة المالية الدولية، بمعنى أحنا قاعدين فرايجية في العملية ما نعرفوش شنوة اللي تنجم تقبلو الحكومة وشنوة اللي تنجم ما تقبلوش، شنية التنازلات اللي تعتبرها ممكنة وشنوة الحاجات اللي تعتبرهم مش ممكنة وخطوط حمر، المهم الواضح من التصريحات أنو صارت حاجة حكاو لكن أنو صندوق النقد الدولي باقي على مواقفو، اللي هي رانا أحنا طلبنا بمجموعة من النقاط الحكومة التونسية مستعدة، لكن أحنا في انتظار تعطينا برنامج تفصيلي".