علق سفيان بن حميدة كرونيكور برنامج في 90 دقيقة على إي أف أم، اليوم الأربعاء 1 فيفري 2023، على تصريحات العميد السابق للمحامين والفائز بمقعد في البرلمان الجديد إبراهيم بودربالة حول إمكانية تقلده لمنصب رئاسة مجلس نواب الشعب.

وقال بن حميدة:" إبراهيم بودربالة عندو 45 سنة ولا 50 سنة في الحياة العامة، شارك في أكثر من 10 انتخابات في قطاع المحاماة اللي هو قطاع ماكينة متاع انتخابات، ماكينة متاع تكمبين، يعرفوا يطرزوا الانتخابات بشكل منقطع النظير... إبراهيم بودربالة قبل ما يترشح للانتخابات، نعرفوا إنو كي بش يترشح راهو بش يترشح لرئاسة البرلمان وفما وقتها منافسة ما بينو وما بين أحمد شفتر، أحمد شفتر طاح في جرجيس وكان سقوط مدوي في الحقيقة لأنو يتجاوز شخصو ويمشي للفكرة بيدها، في حين أنو إبراهيم بودربالة نجح مالدور الأول بش يوريك الطريزة متاع الانتخابات في بلاصة مش عادية الضاحية الجنوبية للعاصمة، وخلالو الجو توة هو في طريق سريعة، مسيبة والدليل أنها مسيبة مش داخل البرلمان فقط، حتى على المستوى السياسي العام، راهو إبراهيم بودربالة بش يكون رئيس البرلمان وبصفة غير معزولة وسي محمد علي البوغديري تم تعيينو ولت البارح وزير للتربية واللي هوما الزوز من الكتلة الجديدة لينتصر الشعب"...