علق سفيان بن حميدة كرونيكور برنامج في 90 دقيقة على إي أف أم، اليوم الجمعة 20 جانفي 2023، على تصريحات أمين عام اتحاد الشغل نور الدين الطبوبي بمناسبة الذكرى 77 لتأسيس الاتحاد.

وقال بن حميدة:" الطبوبي صحيح قال ماناش في عركة مع زيد أو عمر، يعني ما عندوش عركة مع أشخاص، لكن أحنا في معركة وطنية تستدعي من بنات وأبناء الاتحاد، أبناء حشاد، أنهم يتحدو، ويستعدو ليها في المرحلة القادمة، إذن العركة مش مع أشخاص، معركة وطنية، يعني تهم البلاد، تهم الوضع الاقتصادي والاجتماعي والسياسي والثقافي وغيرو، لأنو الاتحاد يعرف اليوم أنو الواقع تسطح إلى درجة أنو التوانسة ولاو يلوجو على الحليب والسكر والزيت وكذا، وقال أنو الاتحاد لا يقبل بش أنو يولي سقف التوانسة مجرد مواد غذائية فقط، لا نستحقو خير ومقتنعين أنو نستحقو خير وقادرين على خير، هناك مشاكل مع الدولة في سياساتها مع الحكومة وأكبر مشكلة مع الحكومة هي ازدواجية الخطاب، يعني اللي تقولو للمؤسسات المالية في الخارج مش نفس الشي اللي تقولو في الداخل، ممارساتها متناقضة مع خطاباتها وهناك مشكل مع المجتمع السياسي ككل مش مع قيس سعيد فقط، اللي الخطاب متاعو حسب الطبوبي مش مرتكز على الواقع ويقترح في حاجات، معناها المجتمع السياسي بعيد على واقع التوانسة بما فيها السلطة والمعارضات"...