علق سفيان بن حميدة كرونيكور برنامج في 90 دقيقة على إي أف أم، اليوم الأربعاء 22 مارس 2023، على تصريحات الرئيس الجزائري عبد المجيد تبون بخصوص تونس.

وقال بن حميدة:" الرئيس الجزائري يقر بوجود مؤامرة ضد تونس وفي هذه النقطة يتفق اتفاقا تماما مع الرئيس التونسي قيس سعيد اللي هو بيدو يؤمن بفكرة المؤامرة، وهذا اللي يخلي القرب الكبير ما بيناتهم، من الناحية الجيو استراتيجية مهم جدا أنو يكون جارك اللي عندك معاه 1300 كلم حدود مشتركة، يقلك راني معاك في كل الحالات وضد الناس الكل كان لزم، هاذي حاجة مهمة خاصة كي نشوفو عدد العباد اللي عندنا معاها مشاكل في المدة هاذي والدايرة الواسعة ولات مع العباد اللي عندنا معاهم مشاكل، اللي هوما دول وتنظيمات، نقولو أنو نحتاجو لحليف، الحاجة الباهية أولا حليف من دولة جارة حدودية، ثانيا من دولة عندها تأثير قوي على الساحة الإقليمية والدولية.. عندو وزنو، بالطبيعة أحنا تمنينا أنو أحنا اللي نكونوا مساندين لأشقاءنا وأصدقاءنا وجيرانا وأنو أحنا اللي نكونوا سند ليهم، مش نحتاجو لطرف أجنبي لكن هاذي مسألة ظرفية وتاو تتعدا"...