اعتبر سفيان بن حميدة كرنيكور برنامج في 90 دقيقة على إي أف أم، اليوم الأربعاء 7 ديسمبر 2022، أن تصريحات رئيس الجمهورية حول أزمة توزيع الحليب، شهدت تكراره لتدوينات وتعليقات فايسبوكية.

وقال بن حميدة:" الرئيس تحدث أنو أزمة الحليب بش تتحل وما قالش كيفاش ومش دورو، مالمفروض وزيرة التجارة تخرج تقلنا كيفاش.. لكن أنا في الشي اللي سمعتو وشفتو، أنو رئيس الجمهورية عاود كلام فايسبوك، هاو نصف الدسم مش موجود في حين أنو حليب الصفر دسم ولا الكامل موجود وأغلى ولا وينو حليب الغبرة، المشكل ما عطاناش انطباع أنو ينظر لموضوع... فما حاجة اسمها مؤهلات القيادة البارح ما شفناهاش عند رئيس الجمهورية وخذا كلام موجود في وسائل التواصل الاجتماعي، في حين أحنا ننتظرو منو كي يمشي لبلاصة الساعة عندها أهمية قصوى، واحد، اثنين أنو يعطي حلول ولا نظرة استشرافية وإلا قرار ولا موقف، البارح ما حسيناش هذا للأسف"...