أكد سفيان بن حميدة كرونيكور برنامج في 90 دقيقة على إي أف أم، اليوم الثلاثاء 28 جوان 2022، أن رئيس الجمهورية يصدمه أحيانا لعدم قدرته على وضع المشاكل في إطارها، وذلك تعليقا على تصريحاته حول مشاكل الماء والجمعيات المائية.

وقال بن حميدة:" المشكل متاع الماء هي مشكل إنو بعض الجهات عندها ماء وبعض الجهات ما عندهاش ماء، مش صحيح، لأنو هو في قرطاج قعدو 4 أيام باش ماء شهرين ولا 3 شهر لتالي، إذا كل الجهات عندها مشاكل وفما جهات عندها أكثر مشاكل من غيرها هذا صحيح، وحكاية الماء متاع السبالة والجودة متاعو ماهوش مربوط بماء الدبابز، لأنو الماء متاع الدبابز ملف آخر مختلف تجاري صناعي، المشكلة الأساسية هوما زوز مشاكل هيكلية الصوناد اللي هي الشركة الوطنية لتوزيع المياه يلزمها فلوس بش تعمل الصيانة للشبكة متاعها وهذا مش موجود، والشي الثاني يلزمها فلوس بش تعمل مخططات تطوير، وفي اللخر ما يمشيش للصتاغ والصوناد، يمشي لحاجات أخرى إذا فما اليوم مشكلة صوناد أنو عندها شبكة متداعية وماعندهاش قدرة على أنها تبرمج تطوير أنشطتها، هاذي المشكلة الأولى، المشكلة الثانية هي اللي يحكي عليهم الرئيس الجمعيات المائية وخلي نقولوها بكل وضوح للتوانسة هي بؤرة من بؤر الفساد في البلاد ومسيسين لأقصى درجات وأكبر ضحية للجمعيات هي الستاغ لأنو ما يخلصوش مليارات، المرة هاذي بش تتبدل وتلي جماعة التنسيقيات يحكموا فيهم، موضوع سياسي الجمعيات المائية ما هيش تدفع وما هيش بش تدفع، وترجيعها بش يكون كيما شفنا في الحاجات اللي في التنظيم الجديد لهيكلة الدولة بش يكون عن طريق التنسيقيات وهذا شي مخطر مش بش يحل مشكلة الماء للتوانسة وعام الجاي في السخانة الجاية رئيس الجمهورية بش يخرج يعمللنا تصويرة باهية متاع غضب مائي".