علق سفيان بن حميدة كرونيكور برنامج في 90 دقيقة على إي اف أم، اليوم الجمعة 31 مارس 2023، على ما يحصل داخل حراك 25 جويلية.

وقال بن حميدة:"أي تنظيم سياسي خلينا يسميوهم مسار، حراك، إيجا نقلك، سميوهم كيما تحب، لكن هو تنظيم سياسي، كل تنظيم سياسي ما ينجم يكون موجود إلا على قاعدة فكر سياسي، يعني الجانب النظري مهم جدا، لكن هاذم قايمين على انتهازية وعلى محاولة تقرب من رئيس الجمهورية اللي هو يستبعد فيهم كل مرة يطروش في واحد منهم... ثم أنو هاذي المنظومة متاع 25 جويلية خلقتلنا حاجتين، الحاجة الأولى خلفت فئة جديدة من السياسيين، من غير محتوى نظري كبير، برشا تفرفيش، فما استثناءات، ثم في الأخير الشي اللي صاير في حراك 25 جويلية، اللي هو يحبو يرجعوه مسار 25 جويلية، العركة ما بين بديدة اللي هو يسير فيه من وراء البحار، وبين الخلولي وبن مبروك اللي موجودين في تونس، معناها عركة تظهر حاجة أساسية، هو أنو أولا هاذي أول الانشقاقات في منظومة 25 جويلية، ثانيا أنو كل التنظيمات والأحزاب السياسية، راهو تنجم تعيش أزمات، وبالتالي ما فماش علاش نعتبرو حد خير م الأخرين، الكل كيف كيف"...