وقال بن حميدة:" عمليات الإيقافات العنيفة تكررت برشا في الآونة الأخيرة إلى درجة أنها ولات مقلقة ومبعد نقولو علاش ما فماش ثقة بين الأمن والمواطنين، علاش في الستاد يسبو في الأمنيين على خاطر الأمنيين فما برشا تجاوزات ما شفناش نتيجتها، الولد اللي في صفاقس وقفوه وضربوه وما عطاوش الدواء متاعو أش عملنا فيها، العشرات خلال العشرة سنين اللخرى، التصرف المثالي للأمن كان ساهل، كان خلطت عليه إما تشدو وإلا... علاش الضرب والعنف المبالغ فيه.... فما اليوم زوز ملفات يلزم نحلوهم بصفة عاجلة، البوليسية متاعنا في حاجة أنو يحملو كاميروات على صدورهم، كيما في برشا دول أخرى وهذا ضمانة ليهم وضمانة للمواطنين، بش انقصو مالتجاوزات وكل واحد ياخو حقو، مجرد توفر الكاميرات المحمولة، بش تنقص التجاوزات هاذيا، بش تقلي التكلفة المالية ماهيش أهم مالارواح اللي قاعدة تموت، المشكل الثاني هو نلقاو حل لسهولة توجيه التهم من طرف البوليسية للمواطنين بدعوى تهم مثل التعدي ولا ثلب ولا شتم عون أمن خلال تأدية مهامه، هذا نزيف يلزم ياقف."...
Address: Immeuble Louati 4e étage Lot 6.5.9
Les Jardins du Lac - Tunis - Tunisie
Tél: +216 70 016 020
E-Mail: contact@ifm.tn