علق سفيان بن حميدة كرونيكور برنامج في 90 دقيقة على إي أف أم، اليوم الثلاثاء 10 جانفي 2023، على تجميد أموال 100 من قيادات حركة النهضة.

وقال بن حميدة:" الفساد السياسي والمالي موجود حتى قبل الثورة وبعد الثورة كمل واصل الوجود متاعو، لكن فما فرق بين الفساد في بعض الأحزاب والفساد في حركة النهضة، الفساد في حركة النهضة عندو خاصية هو أنو فساد هيكلي، التنظيم الإخواني وحركة النهضة نعاودها هي فرع من التنظيم العالمي للإخوان المسلمين، الفساد المالي خاصة، النظام الموازي، الهيكلة الموازية، الغرف السرية، التنظيم السري هي من أسس هذا التنظيم، الشي الثاني وأحنا قاعدين نشوفوا فيه بالشوية، هو أنو دوسي جمعية نماء راهو عندو تفرعات مع أنستالينغو، مع التنظيم السري، مع تبييض الأموال، مع الاغتيالات... الكلها متشابكة، بالشوية بالشوية هذايا كي كان يتقال في 2012 و2013، كان فما نوع من التهكم من طرف النهضة، اليوم بدات تتوضح بعض ملامح الصورة، راهو الوضعية معقدة ومركبة أكثر ماللي نتصورها، اللي توضح أنو كل هذه الملفات بدءا بالاغتيالات ووصولا إلى تبييض الأموال والتأثير وكذا وشراء الأصوات، الكلهم راهم تابعين بعضهم، عندهم روابط، الشي الثاني الكلهم يصبوا في إطار واحد اللي هو التنظيم الإخواني، 3 في القمع هذا مالفوق فما برشا ملفات، لكن ماللوطة في الفتحة الأخرانية نلقاو ضرورة وجود قيادة مركزية، وقتلي نتلفتو نشوفو العباد المورطين في كل الملفات اللي حيكنا عليهم هاذم بتشعبهم نلقاوهم مالدايرة القريبة من راشد الغنوشي، كيكا في الـ100 هاذم الموجودين شكون نلقاو مثلا؟، نلقاو معاذ الغنوشي اللي هو ابن راشد الغنوشي"...