اعتبر سفيان بن حميدة كرونيكور برنامج في 90 دقيقة على إي أف أم، اليوم الأربعاء 1 مارس 2023، أن صور مداهمة منزل عز الدين الحزقي صادمة وتستحق الإدانة.

وقال بن حميدة:" التصاور صادمة وتستحق الإدانة مهما كانت الجهة ماهوش معقول الاعتداء على ملك خاص بالشكل هذا، لو أنو هذا جاء بفعل الأمن أثناء المداهمة نقلك هذايا منطق عذرتة ماهوش منطق أمن، لأنو المداهمات الأمنية شفناهم في الخارج يبداو نظاف معقولين، يحاولوا يحافظو على ملك الناس ويخدمو خدمتهم، ماهمش متضاربين، البحث على أدلة أو وثائق أو شيء، وما بين المحافظة على ملك الناس، ماهمش حاجات متضاربين مع بعضهم، رغم اللي أحيانا فما خسائر، لكن مش بالشكل هذا، مش طاولة رخام منقوبة، معناها مش هكة، المشكل وين، المشكل لو أنو يطلع مش الأمن، المشكل غادي، ينجموا يكونوا قطعية، أما القطعية يهزوا مش يكسروا ويمشيوا، ما يكروش يهزوا، وما يضيعوش وقتهم أنهم يكسروا، لنا تولي المشكلة أكبر، لأنو قبل ما تحكي دليلة مصدق، خرجت في صفحات معروف توجهها الموالي للنظام فيها العنوان الدقيق متاع الدار، بش يوريك أنو العملية فيها متاع الشيطنة والتحريض متاع العباد وهذا الأخطر، إذن نردوا بالنا، الحل أنو العباد الكل تبرد أعصابها نتعاودو نرجعو للقانون ونتقيدو بيه، والأمن موجود بش يطبق القانون على روحو وعلى المواطنين اللي يطبقوا في القانون وعلى المواطنين اللي خارجين على القانون مهما كانت التوجهات والنوايا".