اعتبر سفيان بن حميدة كرونيكور برنامج في 90 دقيقة على إي أف أم، اليوم الأربعاء 4 جانفي 2023، أن تصريح أمين عام حزب العمال حمة الهمامي حول سقوط النزام لا محالة، قد تضمن موقفا سليما من الناحية النظرية والتاريخية.

وقال بن حميدة:" الساعة أنو حزب العمال ولا الجبهة الشعبية أنها ضعفت وتكسرت أما عندها الحق بش أنها تعبر على رايها، قال هذا النظام ساقط لا محالة من الناحية النظرية تاريخيا، موقف صحيح برشا، لأنو القاعدة تقول لو دامت لغيرك لما آلت إليك، معناها حتى كي أنا ما نعمل حتى شي ضد قيس سعيد، ساقط لا محالة، شنوة اللي يقلق، هذا الطبيعة آش تقول، قانون الطبيعة... انجم أنا نستناك ونتفرج فيك وأنا نترشف في كاس قهوة، حتى لين تطيح وحدك، وبش تطيح وحدك هاذي من طبيعة الأشياء، راهو في تاريخ الدول تطلع ومبعد تنحدر، هذا ما تتقلقش يا خليل، ما تتقلقش من قوانين الطبيعة"...