اعتبر سفيان بن حميدة كرونيكور برنامج في 90 دقيقة على إي أف أم، اليوم الاثنين 13 جوان 2022، أن تصريح العميد الصادق بلعيد حول عدم التنصيص على دين الدولة في الدستور، يعد عملية إلهاء ذكية.

وقال بن حميدة:" الصادق بلعيد عمل تصريح لصحيفة الصباح ورجع عالموضوع وقال فيه انو الدستور الجديد متاع الجمهورية الجديدة بش يكون فيه إشارة الى الدين الإسلامي في مواضع أخرى يعني مش بالحدية اللي حكا عليها في التصريح اللي كنا نسمعو فيه، اليوم نحب نقول اللي اليوم ساهل برشا إنك تعطي فقاعة وبالون اختبار بش العباد تتلها بيها لأنو ما عندكش ما تقدم حقيقة في المواضيع الأخرى، ووقتلي سألوه سي الصادق بلعيد على مسألة بسيطة جدا وهي زعما يحضر الدستور هذا نهار 20 جوان ولا جاوبهم بكل وضوح متاع انسان ما يعرفش فما كان ربي وسيدي بلحسن اللي ينجمو يجاوبو، في هذه الحالة وقتلي مش واضحة بالكل والأصداء اللي جايتنا من داخل الاجتماعات تقول اللي الأمور مش واضحة، احسن شي هو توجيه الرأي العام نحو قضايا جدلية، عملية إلهاء ذكية من الصادق بلعيد، سي الصادق بلعيد أقر له بالذكاء الحد حسب معرفتي بيه".