علق سفيان بن حميدة كرونيكور برنامج في 90 دقيقة على إي أف أم، على التقرير المالي الذي تم إعداده والمتعلق بجرد طريقة التصرف في القروض والهبات التي حصلت عليها تونس.

وقال بن حميدة:" معقول جدا أنو الجرد هذا يتم نشرو لعموم التونسيين لأنو ببساطة مش حتى الخبراء، خاطر الخبراء بش يخدمو عليه، لكن للتوانسة لسبب بسيط لأنهم هوما اللي يخلصو... اللي يسلفونا فلوس نوعين، فما النوع اللول اللي هو منخرط في الخنار ويعطي عمولات، النوع الثاني اللي ما يعطيش عمولات أما عارف بخبايا الخنار متاعنا أكثر منا، في كل الحالات نشر الحقيقة والواقع كيما هو حتى حد ما ينجم يتقلق منو، إي عندنا مشاكل وإذا كان ما عناش مشاكل رانا ماناش في الوضعية هاذي... الخنار في أغلب الأوقات في تونس وفي غير تونس، الأطراف المانحة هوما بيدهم مشاركين فيه، يخدمو بيه".