اعتبر سفيان بن حميدة كرونيكور برنامج في 90 دقيقة على إي أف أم، اليوم الجمعة 24 فيفري 2023، أن حجب المعلومة وعدم تقديم النيابة العمومية لتوضيحات بخصوص ما يعرف بقضية التآمر على أمن الدولة، يمثل قلة احترام للتونسيين.

وقال بن حميدة:" عدم خروج النيابة العمومية بش تعطي التوانسة معلومة تهمهم، لأنو التآمر على أمن الدولة راهو ما يهمش القيادات في الدولة والمسؤولين، يهم التوانسة لأنو الدولة دولة التوانسة، إذن حجب المعلومة على المواطنين فيه قلة احترام للتواسنة، تعداو الـ15 يوم، اليوم بش نمشيو لحاكم التحقيق وضروري أنو الماحمين بش يتطلعو على الملف وحيثياتو، ومرة أخرى بش ناخذو المعلومات من عند المحامين، لأنو سكوت النيابة العمومية ماهوش قرارها هو قرار الدولة التونسية اليوم، أنو كل المسؤولين في الدولة صامتين، هو الرئيس وقتلي يحب يعطي قرارات.. هو يكيف الوضعيات لكن ما يعلمناش في اللخر، نحب نرجع لحكاية إيقاف أو تسليم جوهر بن مبارك لنفسو وما سبقها من إيقاف لمدة 4 ساعات لبوه، يظهرلي تعدينا لمستوة آخر، أنو نمشيو لعائلة الشخص اللي نلوجو عليه نحتجزوها نفتشو ونصدمو عليها، معناها أنا نقلك الانطباع اللي تعطيه هو أنو ما لقيناش جوهر بن مبارك، نمشيو لعايلتو نمشي لدارو بش نفتشها، هذا ما هوش التصرف العادي، التصرف المنطقي حتى في أكبر القضايا الإجرامية أنو كل شخص عندو مسؤولية فردية على أفعالو، يمشيو يسألو عليه ما يوقفوهش عليه 4 سوايع"...