وقال بن حميدة:" الساعة يلزم نقولو أنو إيجابي أنو رئيس الجمهورية يمشي يتصل بالمواطنين خاصة مواطنين داخل الجمهورية في المناطق المغيبة والمحرومة لمدة سنوات طويلة... في الرديف كان فما حشد كبير وقيس سعيد من الرؤساء اللي يحبو الحشود، وقالها بصراحة، بعدو الأمن أنا جيت لشعبي ما بين أهلي وما نحتاجش للأمن معاهم، هاذي هي حقيقة الساعة، وللأسف بعد 10 وإلا 12 سنة مش برشا سياسيين في البلاد ينجموا يقولو أنو أحنا انجمو نخرجو للشعب نلتحمو معاه من غير ما نخافو على رواحنا ونتضربو بالطماطم، الرئيس الأسبق المؤقت المنصف المرزوقي في سيدي بوزيد ضربوه بالحجر هربوه الأمن متاعو، مصطفى بن جعفر نفس الشي... فما علاقة بين قيس سعيد والجمهور اللي ما نجحوش في ربطها العديد من السياسيين الأخرين، هذا الإيجابي، لكن رئيس دولة أو سياسي وقتلي يمشي لبلاصة مالبلايص خاصة وقت يبدا المسؤول الأول في الدولة يلزم يقدم حاجة، يلزم يجيب معاه حاجة، لو أنو نلخصوها نراجعو الانتدابات في شركة فسفاط قفصة لأنهم انتدابات فاسدة، انحيو هاذيا حكاية شركات البستنة، لأنوم اهوش حل، ونعملو الشركات الأهلية، وتبين أنو الشركات الأهلية والبارح قالوها لقيس سعيد مباشرة، راهو لا ماهمش هاذوكم مطالبنا وانتظاراتنا، إذن فما بالرغم من العلاقة الموجودة بين قيس سعيد والجمهور فما هوة ما بين مقترحات قيس سعيد وانتظارات الجمهور، هذا يلزم ناخذوه في الحسبان، الشي الآخر على المستوى الدولي، معناها قيس سعيد في نفس الوقت اللي عندو فيه حكومة قاعدة تعدي في برنامج لصندوق النقد، هو يقول أنو لن ننحني لصندوق النقد ولا غيرو، لن ننحني إلا لله، والأكثر من ذلك، معناها مواصلة للخطاب متاع الهروب إلى الأمام، قال صندوق النقد الدولي مانزلش في آية من القرآن، هذا صحيح 100%، لكن قيس سعيد ما نزلش في آية من القرآن بش يكون هو رئيس الجمهورية التونسية بالانتخاب، والانتخاب والديمقراطية لم ترد في القرآن أيضا... معناها أنو حقيقة الميدان راهي مختلفة عن العقيدة، صندوق النقد الدولي ماهوش وارد في القرآن لكن حقيقة اليوم، وانت تتقربلها بطريقة أو بأخرى بش تصحح معاها، فزايد الهروب اللفظي هذا، كيما قتلك أحنا قابلينو قيس سعيد رئيس جمهورية، لأنو حقيقة ديمقراطية ميدانية واقعية لم ترد في القرآن"...
Address: Immeuble Louati 4e étage Lot 6.5.9
Les Jardins du Lac - Tunis - Tunisie
Tél: +216 70 016 020
E-Mail: contact@ifm.tn